Nyttårsfest i Fosshalla
Trass i at folk ikkje får høyre gammaldansmusikk i radio og fjernsyn lenger blir det dansa etter denne musikken som aldri før kring om i Sunnfjord-bygdene. Laurdag 16.jan inviterte Naustedalen Spelemannslag til nyttårsfest med konsert og gammaldans i Fosshalla i Naustdal. Saman med Indre Sunnfjord Spelemannlag og Gaular Spelemannslag sytte vi for eit allsidig program og fengande dansemusikk. Mange vart med på festen der dei fekk svinge deg i dansen eller berre lytta til musikken og kosa seg med kaffi og kaker frå medlemene i spelemannslaget sin julebakst.
Leiar i Naustedalen Spelemannslag Rigmor Bjørkedal ynskte velkommen
Naustedalen Spelemannslag opna konserten med alle medlemmane på sena, vi tykkjer det er kjekt å spele sman både toradergruppa og felegjengen vi spela slåttar med tradisjon i Naustdal. Solospel ved Vegard Slettemakt Følling. Sjå programinnslaget vårt her
Gaular Spelemannslag
Gaular spelemannslag spela slåttar med tilknytning til Gaular. Solospel ved Dagfrid Vallestad Berivik. Sjå programinnslaget her
Indre Sunnfjord Spelemannslag
Indre Sunnfjord Spelemannslag spela slåttar med røter frå Jølster. Sjå programinnslaget her
Vi avslutta programdelen med at alle tre laga spelte "Friaren" i lag, Det kan du sjå her
Dans og moro
Etter programmet rydda vi salen og spelemannslaga spelte ei økt kvar. Det var litt kaldt i huset då vi kom, men etter at vi fekk fart på dansefoten steig temperaturen i kroppen. Folk kosa seg med kaffi og kaker innimellom svingom. Takk for ein fin kveld til publikum, og takk til alle medlemmane i laget som er med å tar i når det trengst.
