Korleis har musikken til utvandrarane frå Noreg utvikla seg i Amerika
DEI TOK MUSIKKEN MED SEG
Einar Eimhjellen har lagt ned eit stort arbeid i å finne ut av korleis folkemusikken frå Noreg har utvikla seg i Amerika. Mange som utvandra til Amerika var spelemenn og heldt fram med å bruke musikken i sitt nye heimland.
Foto: Torfinn Steindal på heimstaden sin i Kent, Washington
Einar skriv: Seinare fekk eg sjølv høve til å reise over til USA og Canada. Under desse turane møtte eg spelemenn av norsk opphav og opplevd musikken deira. Eg merka meg at mange av spelemennene der borte hadde ein annan spelestil enn vi her heime. Dette tykte eg var interessant, og sette meg føre å prøve å finne ut meir om korleis den norske slåttemusikken har utvikla seg i Amerika. Då eg fekk positive signal både frå Rådet for Folkemusikk og Dans og frå Sogn og Fjordane fylkeskommune, - som det følgde litt pengar med, tok eg turar over til Nord-Amerika for å undersøke dette nærare.
Prosjektet er utført ved at ein har besøkt spelemenn og festivalar i USA og Canada, snakka med spelemennene og gjort opptak. I tillegg har eg funne eldre musikkopptak med norske innflyttarar og etterkomarar etter desse. Denne rapporten består av ein tekstdel, og ein lyddel der noko av den musikken eg har plukka opp er lagt inn på CD.
Her kan du sjå heile rapporten i PDF format
Musikken her på MP3:
